Zovin di vincj agns blocât par droghe a Tarcint

I carabinîrs di Tarcint a àn blocât e denunziât un zovin di 20 agns cjatât cun droghe.

Vie pe gnot passade, dilunc dai controi fats pe prevenzion cuintri des robariis, il fantat al veve cirût di scjampâ a pene che al veve viodût i carabinîrs. Daspò velu cjapât e controlât, intor dal fantat che al jere za cognossût des fuarcis dal ordin al è stât cjatât un pacut cun dentri 9 grams di hashish, un belancin di precision, altre robe util par preparâ la droghe e ancje 210 euros in contants che si pense al sedi il vuadagn pe vendite de droghe.

Dute la robe e je stade secuestrade e il zovin denunziât par detenzion di droghe. (a.d.g.) – 20.02.2026