Zovin di Sant Denêl arestât a Udin par spaç di droghe

I Carabinîrs de Sezion Operative di Udin, dilunc di une azion di control cuintri il spaç inte zone di Borc stazion, a àn arestât in flagrance di reât un fantat di 20 agns resident a sant Denêl.
Il zovin al è stât controlât intal prin dopomisdì di îr inte autostazion e cjatât in possès di une dozene di dosis di hashish za prontis ae vendite, di un  spinel e di altri hashish no ancjemò preparât. Altre droghe, par un totâl di plui o mancul 100 grams, e je stade cjatade ancje inte sô abitazion. (ADG) – 15.09.2022