Zovin al sbrisse dilunc dal Nadison e al sbat il cjâf

Un zovin argjentin vuê tal dopomisdì al è sbrissât intant che al stave cjaminant dilunc dal flum Nadison, sbatint a fuart il cjâf.

Il fat al è sucedût a Puriessim di Cividât intant che il fantat, rivât in Friûl de Argjentine te suaze dal progjet Erasmus, al jere in compagnie di un grup di amîs. Sul puest a son rivâts daurman i Vigjii dal Fûc adun cul personâl sanitari e dal elicotar.

Il ferît, dopo jessi stât blocât suntune barele, al è stât cjariât dentri dal elicotar cuntune binte e puartât tal ospedâl di Udin. (a.d.g.) – 05.03.2025