251
La 11e edizion des Zornadis dal Fai (Fondo ambiente italiano) si è sierade in regjon cun plui di 8 mil visitadôrs tes 26 viertiduris intai siet comuns che a àn aderît ae iniziative. Numars pussibii in graciis dal impegn dai volontaris dai grups Fai Giovani metûts dongje di chei des Delegazions e dai Gruppi Fai, insiemi ae disponibilitât di privâts e istituzions, proprietaris dai bens. Il primât al è stât regjistrât in provincie di Pordenon, cun 5 mil presincis tra Secuals e Çopule; plui di mil i visitadôrs intai doi lûcs vierts a Triest, plui di 1600 in provincie di Udin, tra Faedis, Manzan e Cividât, e cuasi 500 a Gurize, inte Risierve Naturâl dai Lâts di Pietrarossa e Doberdò. (A.I.) – 17.10.2022
