Il prin intervent vuê di matine a Stevenà di Cjanive indulà che lis flamis a àn cjapât la pertinence di une abitazion pôc dopo des 8. Il fûc al à cjapât il plan di mieç, ma il fat che i Vigjii a son rivâts daurman al al evitât che lis flamis no tacassin la cjase.
Sot sere, invezit, altri intervent a Cjarpenêt tal comun di Puçui, indulà che al à cjapât fûc un fabricât rurâl doprât tant che dipuesit di imprescj. Par vie che il fûc al stave tacant ancje altris edificis dongje, al à mandât sul puest une autoscjale e une autobote di Udin e ancje une scuadre dai pompîrs volontaris di Codroip che a àn rivât a distudâ daurman lis flamis. Il fûc al à scotât il proprietari dal imobil che al veve cirût di studâ di bessôl lis flamis e al à ancje respirât fum, tant che al à vût bisugne des curis dai infermîrs rivâts sul puest. (a.d.g.) – 22.10.2025
