61
Un altri incident brut su lis stradis dal Friûl dopo di chel mortâl di vuê di buinore a Pasian di Prât indulà che al è muart un zovin di 20 agns che al stave lant a vore.
A son griviis lis cundizions di un om di 51 agns di S. Michêl che tal dopomisdì al è stât cjapât dentri di un scuintri dilunc de ex strade provinciâl 43 a Torse di Pucinie.
Par causis di sclarî, che e sta investigant la Polizie locâl, l’om che al vuidave une moto al à sbatût in maniere violente cuintri di un furgon. Socorût dai Vigjii dal fûc e dal personâl dal 118, il motociclist al è stât puartât dal elicotar in cundizions critichis tal ospedâl di Udin. (a.d.g.) – 04.09.2025
