Episodi movimentât a Fontanefrede, indulà che un om che al vuidave une machine une vore potent no si è fermât cuant che tal centri dal paîs une patulie de Polizie locâl i veve domandât di fermâsi.
La patulie e je lade daûr ma il vuidadôr al à cjapade la autostrade indulà che si è metût a cori lant a plui di 240 chilometris oraris. Par evitâ incidents la patulie e à fermât di cori dâur ma di chel moment al è stât ativât il protocol di emergjence che al à cjapât dentri Polizie locâl, carabinîrs e centri autostradâl.
In pôc timp la auto, une Mercedes Amg di 300 cjavai e je stade cjatade e il vuidadôr identificât a Montebelluna in Venit.
Par fortune no son stâts incidents ma la corse e podarès costâ cjare al automobilist parcè su la fonde des gnovis normis su la sigurece al è a risi di multis pardabon altis e ancje dal secuestri de auto. (a.d.g.) – 22.05.2026
