Vuardiis zuradis tal Pront socors di Monfalcon

Vuardiis zuradis par fâ lavorâ cence pinsîrs infermîrs e miedis dal ospedâl di Monfalcon. La decision e je rivade de direzion de Aziende sanitarie Giuliano Isontina che e à cussì decidût di difindi il personâl daspò dai ultins episodis di assalts.

A visâ de decision l’assessôr regjonâl ae Salût Riccardo Riccardi ae fin di une riunion che e je stade joibe ai 29 di Avost inte Prefeture di Gurize, indulà che a jerin presints i rapresentants locâi des fuarcis dal ordin.

Îr, simpri in Prefeture, e jere stade une altre riunion simpri su la cuistion de sigurece, cheste volte cui rapresentants sindicâi di cui che al lavore te sanitât. (a.d.g.) – 29.08.2024