Vuardiis privadis de Mondialpol dentri dai autobus di Udin

Di vuê tai autobus di Udin a son in vore lis vuardiis privadis de Mondialpol, par prevignî agressions ai vuidadôrs e robariis cuintri dai passizîrs. La iniziative, volude dal Comun di Udin, e je tacade de stazion dai trens e e previôt che dôs vuardiis a fasedin controi dentri dai mieçs e ancje li des fermadis.

Il servizi al à dimostrât subite di funzionâ ben, parcè che a pene che cierts zovins a àn viodût lis vuardiis a son lâts daurman fûr dal autobus. In vore pes liniis plui a risi a saran in azion dôs patuliis cun dôs vuardiis soredut tal dopomisdì e intal fin de setemane. E se al ves di coventâ, lis patuliis a saran plui numerosis. (a.d.g.) – 07.06.2024