A son vot lis personis sot investigazion pe muart di un piçûl a pene nassût sucedude tai dîs passats tal ospedâl di Puart. La conferme e je rivade vuê de Procure di Pordenon che e à viert un fassicul daspò de denunzie presentade in cuesture dai gjenitôrs dal piçul. E je stade decidude ancje la autopsie che e varà di sclarî se il frutin al ves une malformazion o problemis al cûr che a àn provocât la muart tal moment dal part.
La aziende sanitarie dal Venit orientâl e à viert une indagjin interne. Par di plui al è coventât il recupar dai esams fats de mari – une femine foreste che e je a sta a Flum – parcè che no jere mai stade curade dai sanitaris de aziende venite.
A pene nassût il piçul nol veve problemis, ma pôc dopo il so cûr si jere fermat e dutis lis operazions par rianimâlu non jerin ladis a bon fin. (a.d.g.) – 15.01.2025
