“La Procure de Republiche di Udin e à viert une inchieste par omicidi colpôs cuintri no cognossûts”. Lu à dit il procuradôr Massimo Lia intune conference stampe sul câs des dôs fantatis muartis inneadis intal Nadison e sul tierç fantat che a stan ancjemò cirint.
“O fasarìn ducj i aciertaments che a ocorin – al à ancje dit Lia – par viodi se i socors a son stâts fats daurman. O vuei dut câs visâ che par cumò no son elements che nus fasin lâ in cheste direzion, ma lis investigazions a son a pene tacadis”. (a.d.g.) – 04.06.2024