A son finîts i lavôrs par meti in sigurece e a puest la strade statâl 52 Bis Carnica sul Pas di Mont di Crôs daspò dal slac che al jere vignût jù ai 2 di Dicembar dal 2023, che al veve fermât il trafic tra Italie e Austrie. Vuê il Pas al à tornât a vierzi pes machinis intant che pai camions a reste la improibizion fintremai de fin di Jugn.
Di Lui dut al tornarà come prime, ma e restarà la improibizion pai autoarticolâts. In chescj mês, il cantîr metûts su a Paluce al à lavorat soredut par consolidâ la cueste de mont e tal tornâ a fa la strade e lis barieris di protezions ruvinadis dal slac. E je ancje stade slungjade la galarie par protezi dai clapons li dal tornant numar 12, indulà che si cjate la zone plui fiscade dal slac. (a.d.g.) -22.05.2026
