Viert tal ospedâl di Udin il gnûf centri unic di prenotazion (Cup), la prime tessare dal progjet che al fasarà cambiâ muse al acet dai servizis sanitaris pai citadins.
Intai spazis gnûfs i utents a puedin prenotâ visitis e esams, modificâ o disdetâ apontaments cu l’obietîf di rindi plui svelt e eficient il percors aministratîf. La scree e rapresente dut câs nome la prime fase dal intervent, parcè che i lavôrs a laran indenant intes areis dongje fintremai cuant che la struture e sarà finide dal dut, cun spazi plui slargjâts, tecnologjiis gnovis pe gjestion des spietis e plui comoditât a pet dal passât.
Par limitâ i discomuts intant che a laran indenant i lavôrs, al è a disposizion indulà che si jentre personâl che al dâ informazions e al vuide la int. La direzion de Aziende sanitarie si scuse se a vessin di jessi discomuts par vie dai lavôrs e al invide i citadins a colaborâ. (a.d.g.) – 11.05.2026
