I agjents de Polizie di Stât di Tumieç a àn salvât un vieli che al lave ator in pigjame tal frêt inte aree de stazion des corieris. Il fat al è sucedût tal dopomisdì ai 9 di Zenâr, intant che i agjents de Scuadre mobile a jerin daûr a fa controi.
Cuant che a àn viodût il vieli di 92 agns cjaminâ di bessôl a son intervignûts daurman e a àn domandât al om parcè che al fos ator cence vê nissune rispueste. Par chest i poliziots a àn pensat che al fos jessût di cualchi cjase di polse e lu àn fat montâ dentri de lôr auto par tignîlu al cjalt intant che a cirivin il puest.
I agjents daspò lu àn àn puartat inte cjase di polse di indulà che l’om al jere jessût intun moment di confusion. La responsabil de cjase e à ingraciât il Cuestôr di Udin e e à fat i compliments pal intervent svelt dai agjents. (a.d.g.) – 19.01.2026
