Viaç di dismenteâ par 5 furlans par cause dal blackout in Portugal

Il viaç di cinc furlans par tornâ indaûr dal Brasîl al è deventât un brut sium cuant che si son cjatâts tal aeropuart di Lisbone par une fermade tecniche propit cuant che e je mancjade la lûs par vie dal blackout che al à cjapat Portugal, Spagne e il Sud de France.

Si trate di Paolo, Greta, Gabriele, Aurora e Francesca, cinc zovins restâts blocats tal aeropuart portughês, tant che ae fin il lôr viaç al è durat passe 50 oris. Cuant che  e je lade vie la lûs al è stât impussibil cjatâ aghe, di mangjâ e clamâ cul telefon cualchidun par visâ dal probleme, a àn contât i zovins. (a.d.g.) – 29.04.2025