Il sindic di Nimis, dacuardi cul coleghe di Paulêt, al à disponût intal prin dopomisdì al fâ sierâ la strade dal so paîs a Seorgnan (frazion di Paulêt) par vie di un inagament provocât dal brut timp e par un puint malsigûr.
La strade sierade e je lungje plui o mancul doi chilometris. La aghe e à invadût la cjarezade dopo de fuarte vignint jù dal flanc de mont. Sul puest i volontaris de scuadre comunâl di Protezion civîl dal Comun di Nimis.
A son stâts segnalâts inagaments su la cjarezade ancje inte frazion di Cergneu.
Ue di matine, dôs scuadris di volontaris a jerin intervignudis ancje par gjavâ arbui colâts dilunc de strade tra Torlan a Taipane.
I pompîrs a àn judât pal tai des plantis e la messe in sigurece de viabilitât. Nissune persone e je restade feride. Une altre scuadre di volontaris e je intervignude, invezit, pal control inte zone tra Cjalminis e Ramandul, pe rimozion di claps e detrîts finîts dilunc de cjarezade e par netâ dai pocits. I volontaris a àn passât dute la strade par aciertâsi no fossin situazions di pericul, viodude la nature delicade di cheste part de cueste. (ADG) – 22.10.2022
