Dîs agns indaûr, ai 25 di Zenâr, il ricercjadôr universitari furlan Giulio Regeni al fo secuestrât in Egjit e cjatât muart cualchi dì dopo, ai 3 di Fevrâr, dopo jessi stât torturât e sassinât dai servizis segrets di chel paîs. Ancjemò ae ricercje de veretât e de justizie, la famee Regeni e ducj chei che a no àn mai molât di fâ sintî la lôr vôs a saran protagoniscj a Flumisel di une zornade di mobilitazion tal dì dal aniversari. La mostre “Giulio continua a fare cose… – Il Popolo giallo: una storia collettiva” (Giulio al continue a fâ robis… – Il popul zâl: une storie coletive) e je stade screade di cualchi dì inte cjamare dal consei dal municipi, e e sarà vierte cence polse domenie ai 25. La mostre e torne a contâ dîs agns di presince, vôs e azions coletivis passadis a domandâ la veretât e la justizie par Giulio midiant dissens, fotografiis, ogjets e video. Tal stes dì, il documentari “Giulio Regeni. Tutto il male del mondo” (Dut il mâl tal mont), diret di Simone Manetti, al sarà proietât dongje de piste di patinaç, prime di jentrâ dai cines daI 2 ai 4 di Fevrâr. (A.I.) – 23.01.2026
30
