Une place di Udin par memoreâ Antonio Bardelli

A Udin al è nassût ‘slarc Bardelli’. La piçule place tra vie Poscolle e vie Zanon e je stade titulade a Antonio Bardelli, un dai imprenditôrs che plui al à segnât la storie dal cumierç te citât cjâf lûc dal Friûl, pionîr e figure emblematiche dal disvilup economic dal Friûl tal ‘900.

Bardelli al è stât bon di trasformâ une piçule ativitât locâl intune impuartante imprese. La decision de Zonte comunâl, promovude dal assessôr ai Servizis demografics Arianna Facchini, e je stade aprovade pe ocasion dai 110 agns de nassite di Bardelli, ai 29 di Setembar dal 1914. (a.d.g.) – 26.09.2024