Une gnove agression cuintri il personâl sanitari li dal Pront socors dal ospedâl di Udin

Un forest di plui o mancul 30 agns, vuê dopomisdì tor des cuatri, forsit cjoc, al à tirât cence nissun motîf un pugn in muse a un zovin infermîr che al stave lavorant tal Pront socors dal ospedâl di Udin.

Il pugn al à provocât un tai sul lavri dal zovin cun feridis vuaribilis in siet dîs. Sul puest a son rivâts daurman i carabinîrs, clamâts dai miedis intervignûts in jutori dal infermîr. I agjents a àn subite identificât e denunziât il forest. (a.d.g.) – 03.04.2024