Une clamade par overdose e fâs scuvierzi droghe pronte par jessi doprade

Un clamade al numar unic par une overdose probabil e à permetût di scuvierzi dentri di une cjase di Vile Visintine un pussibil spaç di droghe. Il fat al è sucedût dai dîs passats, cuant che a son intervignûts dentri di une abitazion i sanitaris dal 118 par judâ un om di 31 agns cjatât cuasi cence sintiment.

Lis cundizions dal om a àn fat daurman pensâ a un mâl causât dal fat di vê cjapade droghe. Pôc dopo a son rivâts i carabinîrs dal nucli radiomobile di Palme che a àn cjatât dentri cjase piçui pacuts za pronts par jessi doprâts, soredut ketamine, mariuane, che a son stâts secuestrâts.

Ae fin des investigazions l’om di 31 agns al è stât denunziât par detenzion cul fin dal spaç di droghis. (a.d.g.) – 06.05.2026