Un toc di cuviert intune cjase bandonade sdrumât a Remanzâs par vie dal brut timp

Forsit a son stadis lis ploiis fuartis des ultimis 26 oris a causâ il sdrumâsi dal cuviert di une cjase bandonade di timp a Remanzâs. Cul cuviert a son vignûts jù ancje rudinaçs dilunc de strade, par fortune cence cjapâ nissun.

Sul puest a son intervignûts i Vigjii dal fûc che a àn metût in sigurece la aree ator dal edifici.

Il municipi al à ancje visât che a àn scugnût movi daurman un cabli de energjie eletriche e di un de Telecom e par chest e je stade previodude la sospension de energjie par ciertis cjasis te zone che a podaressin jessi ancje problemis cul telefon. (a.d.g.) – 24.09.2025 –