Un om di Claut muart dopo jessi stât becât dai jespats

Un om di 45 agns di Claut, Jimmy Davide, al è muart par un colp anafilatic causât de punture di cualchi jespat. Il fat al è sucedût intun zardin di Sant Martin di Cjampagne, a Davian. L’om al è stât socorût daurman di un amì che al jere cun lui e al à capît la gravitât de situazion. Al è stât trasferît di urgjence, in ambulance, tal ospedâl di Pordenon, dulà che al è muart pocjis oris dopo dal ricovar. Investigazions a son stadis inviadis dai Carabinîrs di Sacîl: di  ce che si è capît, la vitime in passât no veve mai sofiert di alergjiis specifichis. (A.D.G.) – 10.08.2022