I carabinîrs de Unitât operative di Tumieç, in colaborazion cui lôr coleghis di palme, a àn arestât K.L., un om furlan di 63 agns che al veve vût une condane in preson par 12 agns de Cort di Apel di Triest, par cause di une robarie dentri di une abitazion, trafic di droghis e possès di armis.
La sentence, che e veve di jentrâ in vore tal 2024, e jere stade rimandade parcè che K.L., midiant dal so avocat, al veve dimostrât che al veve une malatie che e no jere compatibile cu la preson. I carabinîrs di Tumieç e Palme a àn mostrât che, a dispiet dai problemis di salût che al lamentave, l’om al jere stât osservât in tantis ocasions a vuidâ la sô machine, cjaminant in mût comut intant che al puartave la so femine a fâ la spese, bevint fûr dai bars e plui indenant manovrant cun fuarce la carocine che e varès vût di puartâlu ator. In fat, tal Avost passât, adun cun altris dôs personis – che a son daûr a jessi identificadis – al à cometût une robarie dentri di un camper parcât inte zone di Pineta a Osôf.
In gracie dai sfuarçs dai carabinîrs, l’Ufici di vigjilance di Triest al veve revocât la sospension de condane a 12 agns di preson, rindintlu esecutîf tal principi di Zenâr.
Cuant che al à savût dal proviodiment, K.L. al è restât indisponibil fin vuê a buinore, cuant che i uficiâi dai carabinîr de Unitât operative di Tumieç, adun cun chei di Palme, a lu àn cjapât dopo une lungje cjace dilunc das stradis di Gonârs. Tal tentatîf di evitâ di jessi cjapât, al veve pierdût il control de sô machine, vuidant a grande velocitât lant però fûr strade. L’om, che no si è fat nuie al è stât prime puartât tal ospedâl par jessi visitât e daspò puartât dret inte preson di Udin. (a.d.g) – 23.01.26
