Un om al cîr di scurtissâ la sô ex morose a Davian

Un pakistan di 30 agns al à cirût di scurtissâ la femine che lu veve molât a Davian. Il fat al è sucedût lunis passât sot sere in vie Sacile a pocje distance dal centri citadin. L’om che al vîf a Davian si è presentât tal bar indulà che si cjatave la so ex morose, une femine sudamericane, e al à cirût di tirâi une curtissade cence però rivâ a cjapâle.

L’om al è stât daurman blocât di cierts clients che si cjatavin tal locâl in chel moment e tignût fer fintremai cuant che no son rivâts i carabinîrs dal Nucli radiomobile di Sacîl che i àn gjavât il curtis di man e lu àn puartât in preson. Il pakistan cumò si cjate ai arescj domiciliârs e al è stât denunziât par ats persecutoris cuintri de ex morose. (a.d.g.) – 26.03.2026