Un lûc di culture intune caserme

Un lûc de culture intindût in forme globâl, storiche, culturâl, turistiche, paisagjistiche, enogastronomiche, didatiche e ambientâl, di meti in vore cul restaur e la ricualificazion de caserme napoleoniche Donato (ex Filzi) a Palme, intor dai Bastions che a son patrimoni mondiâl dal Unesco. Chest al è il progjet, dal valôr totâl di 4 milions di euros, presentât di 11 comuns de Basse che a rapresentin une popolazion di plui di 26.000 personis: Dael, Bagnarie, Bicinins, Cjamplunc Tapoian, Cjopris Viscon, Gonârs, Rude, Sant Vît de Tor, Sante Marie La Lungje, Tor di Zuin, Trivignan e Visc. la idee e je di tirâ fûr un Museu a disposizion par presentâ dut il teritori: il bens plui impuartants storics e paisagjistics, tant che i prodots enogastronomics locâi. (A.I.) – 17.10.2022