Setante sîs gnovis cjasis sociâls a son stadis screadis a Udin e fasin part di un progjet che al cjapave dentri dute la zone de ex caserme “Osoppo”, di proprietât dal comun. I apartaments a son stâts costruîts dal Fonts sociâl pe edilizie de regjon gjestît di Finint Investments (Grup Finint Bank). La iniziative e fâs part di un progjet plui grant clamât “Experimental city”, la citât sperimentâl. Al è si che duncje nassût un gnûf borc tal lûc de ex caserme, viert ae citât e progjetât par integrâ servizis, scuelis, sports, cjasis sociâls e spazis verts publics. Il progjet al à trasformât passe 11 etars di tiere bandonade – 11.500 metris cuadrats – intun dai plui grancj progjets di rigjenerazion urbane dai ultins agns. In gracie di un invistiment totâl di 12 milions di euros, a son stadis tiradis sù 76 cjasis, dutis cun puescj pal parc de machine tal viert e cjantinis. (A.I.) – 12.03.2026
63
