Al è tacât di Grau il zîr de nâf Goletta Verde di Legambiente dilunc des cuestis talianis par controlâ cemût che a stan lis nestris aghis
Adun cui ricercjadôrs de Universitât dal Friûl, e je stade fate une dimostrazion tal puart di Grau mandant un drone marin par controlâ in cualis cundizions che al sedi il fondâl, soredut indulà che si cjate la vegjetazion, soredut lis pradariis di Cymodocea nodosa, simpri plui a risi par vie dai cambiaments climatics.
Il control al à dât bogns risultâts parcè che cheste plante e je risultade in espansion e in buinis cundizions ecologjichis, ancje se al da pinsîr il fat che il mâr al sta cjapant simpri plui spazi inte lagune e che si viôt un cambiament ecologjic fuart che al covente di jessi controlât. (a.d.g.) – 15.06.2026
