Un conciert par Shimpei Tominaga

Intal secont aniversari de muart di Shimpei Tominaga, une feride che e reste ancjemò vierte par ducj, la citât di Udine e à decidût di promovi un moment di ricuart ae sô memorie te suaze de Gnot Blancje, la “Notte bianca” de citât. L’event al è in program sabide ai 4 aes 6 di dopomisdì tal cjistiel di Udine e al previôt la esibizions di un tercet, The Tablatones, che a jerin amîs di Shimpei Tominaga. Luca Del Gobbo (vôs e ghitare), Denis Baselli (bas) e Claudio Cappelli (batarie) a laran sul palc par presentâ un repertori dut dedicât ai suns dal rock and roll, dal rockabilly e dai grancj classics dai agns Cincuante e Sessante: la musiche che e à compagnât la lôr amicizie cun Shimpei par agnorums. La iniziative e je nassude di une idee dai amîs plui strents di Tominaga e e je stade organizade in acuart cu la sô famee, che e à cjapât cun plasê la propueste. (A.I.) – 02.07.2026