Udin, la liste dai cantîrs su lis stradis

Si svicinin lis feriis di Avost, il trafic al varès di scomençâ a calâ e il Comun di Udin al anunzie une serie di intervents di manutenzion stradâl straordenarie, che a rivuardin ponts de citât cun trafic tant intens. La liste dai lavôrs e je stade comunicade dal Vicesindic e Assessôr ai lavôrs publics, Loris Michelini, che al à specificât lis zonis di intervent: vie Boccaccio, la taronde dal viâl di Palme – dulà che la asfaltadure e vignarà fate sot sere – e i sotpàs di plaçâl Cella. Secont l’assessôr, “cun chescj lavôrs, la aministrazion comunâl e continue la opare di sistemazion des stradis de citât, comedant une situazion lassade pustote di agns. La prioritât e je come simpri la sigurece dai automobiliscj e dai cicliscj”. (A.I.) – 28.07.2022