I financîrs de Compagnie di Cividât a àn blocât al confin cu la Slovenie, dilunc de strade statâl 54 intant dai controi fats intai dîs passâts dongje dal pas di Stupize, un citadin de Republiche Ceche dopo vêlu cjatât cun curtìs e droghe dentri de machine.
Secont ce che al veve dit l’om ae patulie de Vuardie di finance, al jere in viaç bande Grau par fâ une vacance. Dentri de auto i agjents a àn cjatât un machete, un curtìs, un pugnâl di chei che si tirin, 45 grams di mariuane e un bol di Lsd. L’om nol à savût dâ justificazions e al è stât denunziât a pît libar ae Procure de Republiche di Udin. (a.d.g.) – 05.06.2024