Trê câs di fiere dal Nîl tra i donadôrs di sanc in regjon

Par mieç dal sisteme di control metût in cjamp in Friûl Vignesie Julie dal coordenament dal Dipartiment trasfusionâl dal Servizi sanitari regjonâl vuê a son stâts individuâts altris doi câs di positivitât al West Nile virus tra i donadôrs di sanc de nestre regjon.

In dut, duncje, i câs a deventin trê: un inte aree di Pordenon e doi in chê di Udin. Ducj a son in buine salût e lis lôr cundizions no dan pinsîr; lis lôr donazions a son stadis individuadis e blocadis, a conferme de eficacitât de rêt di control metude in cjamp. (A.D.G.) – 09.08.2022