I agjents de Polizie di Stât, vuê al cricâ dal dì, a àn arestât trê citadins talians, destinataris de misure cautelâr personâl decidude dal Gip dal Tribunâl di Udin, par robariis intai mês di Avrîl e Mai 2022 par plui o mancul 100 mil euros in contants.
La investigazion, fate di personâl de Squadra mobile, cul coordenament de procure de Republiche, e à permetût di fâ lûs su trê operazions di cambi di bêçs fraudolentis, sucedudis a Udin e inte sô perifarie.
I trê subiets, doi oms di 27 e 54 agns e une femine di 30 agns, imparintâts tra di lôr, a son indiziâts in maniere serie di vê cometût trê episodis diviers di robarie di bêçs contants ai dams di personis che ur vignive proponût il cambi di biliets di 500 euros in tais inferiôrs otignint un margjin di vuadagn su la operazion finanziarie.
Dutes lis vitimes a jerin stades imbroiadis a cjase dai arestâts dulà che a vignivin robâts dal contant, mitût in cualchi buste dopo poiade su la taule de cusine cu la scuse che a vevin di contâ i bêçs, par dopo slontanâsi cence fassi viodi.
La Polizie di Stât e racomande di no crodi a propuestis finanziariis masse avantazosis fatis di personis no autorizadis parcè che chestis iniziativis imprudentis dispès si trasformin in imbrois e robariis. (A.D.G.) – 13.01.2023
