Trafic ilegâl di scovace, investigazions ancje in Friûl

I Carabinîrs, coordenâts de Procure distretuâl antimafie di Vignesie, a àn metût sot investigazion par reâts ambientâi relatîfs al tratament ilecit di scovace nûf personis. La operazion, di puartade internazionâl, e rivuarde 12 aziendis che a lavorin intai teritoris di Venit, Friûl Vignesie Julie, Lombardie e Campanie.
Inviade de Dda di Vignesie tra il 2019 e il 2020 la investigazion  e à permitût – secont fonts de Procure – di ricostruî e dopo blocâ il trafic di scovace di gjenar speciâl, come pallet, piels, gomis, plastichis e inertis, gjestîts e smaltîts in mût ilegâl dopo jessi stâts lassâts in cualchi capanon industriâl, cumò sot secuestri, a Borgo Veneto (Padue), Remanzâs e Monfalcon par dopo jessi trasferîts in dipuesits ilegâi in Ongjarie, Slovenie e Cravuazie. (ADG) – 22.09.2022