Doi talians e un citadin inglês a son stâts arestâts a Udin daspò jessi stâts cjatâts cun cuasi sîs chilos di mariuane che a jerin rivâts cuntun corîr esprès. I trê a vevin di pôc ritirât il pac e si stavin slontanant cu la lôr auto cuant che i agjents de Polizie ju àn blocâts.
Dilunc dai controi fats dentri de machine, i agjents a àn scuviert trê pacs compagns, che dentri a jerin 5 chilos e 620 grams di droghe. Inte auto e je stade cjatade ancje robe par coltivâ tal sierât, tant che une svintule e un filtri.
La operazion e je stade fate de Scuadre mobile de Cuesture di Udin dilunc di un servizi cuintri dal trafic di droghe. I trê, un om di 29 agns, une zovine di 19 agns e l’inglês di 60 agns, a son stâts arestâts par detenzion di une grande cuantitât di droghe. Il Cuestôr al à dât fûr un ordin di lâ vie ai doi talians che a son a stâ fûr di Udin, cu la improibizion di tornâ. (a.d.g.) – 03.11.2025
