Tornâts indaûr doi Crucifìs robâts inte glesie di Priûs di Soclêf

I carabinîrs dal Nucli pe Tutele dal patrimoni culturâl di Udin a àn recuperât e tornât indaûr doi Crucifìs che a jerin stâts robâts 35 agns indaûr inte glesie di S. Jacum di Priûs di Soclêf.

Si trate di doi Crucifìs in len policromi. Un piçul, fat tal secul XVII, e un plui grant dal secul XIX. I carabinîrs a son rivâts a recuperâ lis dôs oparis daspò di une ativitât investigative che e à permetût di blocâ la vendite dai Crucifìs tal moment che a àn cirût di vendiju su la Rêt. (a.d.g.) – 06.06.2026