A son stâts tornâts indaûr al museu diocesan di Udin une vore di ogjets che a jerin stâts puartâts vie. I carabinîrs dal Nucli Tutele dal patrimoni culturâl a àn puartat indaûr al vescul di Udin Riccardo Lamba pituris sacris, documents antîcs e ancje un libri dal 1902, ducj ogjets cjatâts tai marcjâts in linie in vendite, in graciis dai controi fats simpri e des investigazions inviadis tra il 2024 e chest an. La operazion, coordenade de Procure de Republiche, e à permetût di tornâ indaûr plui di 530 documents storics ae Arcidiocesi e di meti sot secuestri altris 2.600, adun cun monedis e ogjets di ete romane, destinâts ae Sorintendence.
Tra la robe plui impuartante recuperade a son dôs pituris cjatâts dentri de cjase di un om che al vîf a Puçui, une letare dal 1842 cjatade li di un colezionis di Triest e un libri dal 1902 marcat dai timbris de curie e che al jere stât metût in vendite in linie. (a.d.g.) – 25.11.25
