Tor di Zuin e devente ancje un videozûc

Ricostruî Tor di Zuin su Minecraft, un dai videozûcs plui famôs e doprâts al mont. La idee e je partide di Antonio, un zovin citadin di Tor di Zuin che di agns si dediche a chest lavôr cun risultâts straordenaris. Cumò la sô idee e je deventade un progjet de Pro Torviscosa, condividût dal ISIS Bassa Friulana, l’istitût scolastic frecuentât dal fantat. Ae scuele il compit di disvilupâ e completâ il lavôr di Antonio, cjapant dentri ancje altris students, coordenâts di cualchi docent. Al è un progjet inovatîf, stant che al incrose elements che dispès a vegnin calcolâts in contradizion: il digjitâl e lis sôs pussibilitâts, la educazion, la narazion, il teritori, acompagnât ae dimension globâl dal web. Il so obietîf al è fâ cognossi al public plui zovin il patrimoni urbanistic e architetonic di Tor di Zuin. (A.I.) – 09.11.2022