Todesc di 85 agns cul parecleve salvât sot sere a Midun

Intervent dai tecnics dal Socors alpin e dal elicotar dal elisocors regjonâl, sot sere lunis ai 6 di Avrîl, par judâ un todesc di 85 agns, che cul parecleve al jere stât costret a cjapâ tiere intun lûc pardabon ert dopo jessisi jevât de piche de Mont Valinis a Midun.

Tor des 8 sot sere la Sores e à visat la stazion di Manià dal Socors alpin, la ambulance, i Vigjii dal fûc e l’elisocors. Viodût che al jere tart e che al stave par rivâ il scûr, di la de etât dal om che nol varès rivât a tornâ su la piche, sul puest al è rivât l’elicotar che cu la binte al à mandât a tiere un tecnic par dopo tirà su l’om e tornâ bande de piche indulà che a jerin rivâts il personâl di tiere e la ambulance. Par fortune l’om no si è fat nuie. (a.d.g.) –