42
Par un nie doi Tir forescj no àn provocât un brut incident dopo che par causis ancjemò di sclarî a àn cjapât in cuintri man il svincul dal casel autostradâl di Tarvis. Subite dopo, cuntune schirie di manovris a risi a àn cambiade direzion tornant tal sens just, ma a àn metût a risi la lôr incolumitât e chê di tante int che e jere su la strade.
Lis tantis segnalazions vudis e ancje i alarmis dai sensôrs di sigurece dilunc de ret autostradâl a àn permetût al centri operatîf de Polizie stradâl di cjatâ daurman i doi mieçs che a son stâts blocats des patuliis dongje de aree di parcament Cormôr Est. Pai doi autiscj ritîr de patente, Tir blocât par trê mês e multis grivis. (a.d.g.) – 10.06.2025
