Daspò de operazion di confische su ordin dal Tribunâl di Perugia che tra Sacîl e Fontanefrede e à blocat bens par plui di un milion di euros, intestâts a societâts leadis in cualchi maniere a un imprenditôr sicilian che secont i judiçs al judave il clan dai casalesi, al è ben tignî alte la vuaite par evitâ infiltrazions mafiosis.
Al è l’apel fat di Barbara Clama, president dal Osservatori antimafie dal Friûl Vignesie Julie intervistade dal gjornalist di Telefriuli, Hubert Londero. Magari cussì no, no si trate dal prin fat dal gjenar in regjon.
Tal 2022 l’Osservatori al veve regjistrât almancul 70 câs di imobii confiscâts, ancje se no ducj a jerin leâts ae criminalitât organizade: “O vin di jessi cussients – e à dit l’avocat Clama – dai risis che si corin cuant che si à a ce fa cun cheste int e sta atents a cierts segnai”. (a.d.g.) – 06.02.2026
