Il Comun di Udin al à fat sîs targhis memoreativis par celebrâ ancjetancj personaçs innomenâts dal passât furlan: un progjet nassût in colaborazion cu la Regjon e la ARLeF, la Agjenzie regjonâl pe lenghe furlane. Lis targhis a son stadis scuviertis vuê, lunis ai 10: prime di dut, in place Libertât, chê in onôr di Gianfranco d’Aronco, grant studiôs de leterature, de lenghe e des tradizions furlanis. Po dopo, li de biblioteche civiche “Vincenzo Joppi”, la targhe par Jacopo Pirona, che al à progjetât propit la biblioteche e al à scrit il prin vocabolari de lenghe furlane. Par sierâ, in borc S. Lazar, inaugurazion de targhe in onôr di Lelo Cjanton (Aurelio Cantoni), scritôr poliedric in lenghe furlane e promotôr de autonomie regjonâl. Chei altris personaçs innomenâts a son pre Bepo Marchet, Tiziano Tessitori e Novella Cantarutti. (A.I.) – 10.07.2023
131
