Il maltimp che al à batût ancje la nestre regjon te zornade di îr al à creât plui di cualchi probleme, soredut par vie dal aiaron e de tante aghe vignude jù. Cussì te frazion di Masaruelis di Torean, indulà che l’aiar fuart al à spacât une linie eletriche lassant dutis lis cjasis cence corint, tant che par fâle tornâ a son stâts metûts in vore grups eletrogjens.
Inagaments segnalâts a Pavie, arbui sdrumâts a Lignan, Taipane, S. Pieri dai Sclavons, Torean, Rivis Darcjan, Bordan, Drencje, Tarcint, Buie, Lusevare, S. Lenart, Trasaghis e Vît.
E je stade une gnot cun cetant lavôr pai pompîrs des provinciis di Pordenon e di Udin ancje par netâ vie ramaçs e troncs colâts dilunc des stradis. Par chest motîf e je stade sierade la strade di Forgjarie che e puarte bande Flavuigne e la stesse robe e je sucedude dilunc de strade provinciâl 41.
Sierâts i vâts di Rossêt e Nimis sul torint Cuarnap. (a.d.g.) – 24.10.2025
