Tamponament grant tal Lisert tra mieçs pesants

Il tamponament grant dilunc de autostrade A4 pôc prime dal casel dal Lisert, tal trat tra Duìn e Monfalcon bande Vignesie al à cjapat dentri 6 camions, ma par fortune nissun si è fat mâl.

L’incident al è sucedût pôc dopo di misdì, al chilometri 518 e al è à provocât la sieradure de strade fintremai des 4 dopomisdì par vie dal fat che e jere stade la pierdite dal caric di un dai camions. Ducj i vuidadôrs a son jessûts dai mieçs di bessôi ma doi di lôr a son stâts curâts dal personâl sanitari sul puest e daspò puartâts tal ospedâl par aciertaments. In vore ancje i Vigjii dal fûc e il personâl de societât autostradâl. (a.d.g.) – 19.01.2026