Un incident piçul, un tamponament, che par fortune no si è fat mâl nissun, ma cuant che i carabinîrs a son rivâts pai controi e je saltade fûr la sorprese. Un dai vuidadôrs, un fantat di 20 agns, al è saltât fûr che al lave ator cence vê mai fate la patente e che no jere la prime volte. Il fat al è sucedût îr tal dopomisdì a Palaçûl, indulà che une patulie dai carabinîrs e je rivade daurman dopo che une machine e veve tamponât chê denant.
Tal controlâ cui che al jere ae vuide des machinis al è saltât fûr che il fantat al jere za stât fermât parcè che al lave ator cence patente e al veve cjapade une biele multe. Cumò, stant che al è stât cjapât une altre volte, al varà di rispuindi denant di un judiç parcè che al è stât denunziât ae Procure de Republiche. (a.d.g.) – 02.10.2025
