114
Une vore di comuns de Basse a son stâts cjapats vuê dopomisdì di une tampiestade cussì fisse di rivâ in cierts ponts a 10 centimetris di spessôr e di fâ someâ che al ves neveât. Cheste situazion e à metût in dificoltât une vore di automobiliscj che a stavin vuidant dilunc de autostrade bande Lignan, Puart o Triest.
A son deventâts blanc par un pôc di timp ancje Tisane, Porpêt, Muçane, cjapadis di tampieste che in cierts câs a jere ancje di doi o trê centimetris di diametri.
Lis previsions dal osmer a fevelin di un miorament dal timp doman di matine, soredut su cueste e plan, intant che di domenie tal dopomisdì a podaressin tornâ burlaçs soredut sul Friûl Ocidentâl. (a.d.g.) – 11.07.2025
