Tal Cpr di Milan il malian che a Pordenon al veve dât cuintri ae Polizie locâl

Il citadin dal Mali di 27 agns che, ai 9 di Jugn passât, al veve dât cuintri ai agjents de Polizie locâl intervignûts par un control intant che si jere incjampât daûr dal Palaç dal Fumetto a Pordenon, al è stât cjapât dai agjents de Polizie di Stât e puartât tal Cpr (Centro di Permanenza per i Rimpatri) di Milan – Corelli, prime di jessi mandât in patrie.

Il Cuestôr di Pordenon, Giuseppe Solìmene , daspò dai fats dei 9 di Jugn, al veve pandût fûr cuintri dal malian un proviodiment di Daspo di doi agns cu la improibizion di svicinâsi ai parcs, ma pe ocasion de operazion “Oscar” fate îr cuintri de imigrazion iregolâr, l’ufici Imigrazion de Cuesture al à cjatât fûr l’om che cussì al è stât puartât vie di Pordenon. (a.d.g.) – 25.07.2025