Tai tribunâi de regjon 150 precaris a risi di restâ cence lavôr

Intai tribunâi de nestre regjon a son a vore plui o mancul 150 precaris che a son a risi di restâ a cjase di un moment a chel altri. I lôr contrats, fats te suaze dai progjets dal Pnrr, a scjadaran dentri dai 30 di Jugn dal prossim an e par chest la Funzione pubblica Cgil e à proclamât par doman, ai 16 di Setembar, un siopar nazionâl e un presidi denant de Prefeture di Triest, in place Unità.

L’obietîf de proteste al è chel di otignî la stabilizazion dai 12 mil lavoradôrs precariis dal Ministeri de Justizie. Secont dal sindicât, il Guvier al à metût a disposizion risorsis buinis dome pe metât des assunzions, penalizant cussì i lavoradôrs e ancje il funzionament de justizie, za in crisi pe carence di personâl. (a.d.g.) – 15.09.2025