43
No àn pierdût timp a Pordenon: lis motoseis vuê di matine a àn tacât a taiâ i teis, al centri di une lungje bataie legâl tra la Aministrazion comunâl e i comitâts che a dan cuintri al progjet.
Cualchi citadin al à berghelât cuintri dai lavôrs, ma la aree e jere sierade pai lavôrs e controlade dai carabinîrs e des vuardiis zuradis.
“A àn tacât a taiâ ancje se al è ancjemò in pîts un ricors li dal Consei di Stât – e à dit Luigina Perosa dal comitât ‘Il tiglio verde’ -. Ogni len che al ven tirât ju’ al è un colp tal cûr. O vin fat dut il pussibil par salvâ chescj puars arbui e la int e tache a capî la impuartance dal ben comun”. (a.d.g.) – 13.03.2024
