Svuedade dai laris une coriere austriache parcade fûr di un ristorant a Feagne

Un pullman di turiscj austriacs, che si jere fermât îr tal parc dal ristorant Casali Cjanor di Feagne, al à patît une robarie intant che i ospits a jerin dentri par gustâ.

Cuant che l’autist al è tornât indaûr li de coriere, al à cjatât il sportel denant sfuarçât. I laris a àn puartât vie dute la robe di valôr che a àn cjatât inte coriere. Nol è restat nuie altri ce fâ che presentâ denunzie ai carabinîrs. (a.d.g.) – 16.05.2025