Tantis robariis a Codroip. Dome inte zornade di îr, a son stadis fatis cinc, almancul di chês denunziadis ai carabinîrs. Trê a son stâts cometudis intal stes condomini, in vie della Segheria, dulà che a son stâts cjapâts di smire ancjetancj apartaments. I laris, che a àn agjît scancarant puartis e barcons, a àn robât contants e zoiis.
Salacor la stesse bande e je stade protagoniste, simpri a Codroip, di altris dôs robariis in apartament. La prime e je stade fate in vie Ampezzo, chê altre in vie Latisana; chi i laris no si son contentâts dai preziôs che a àn cjatât, ma a àn ancje robât gjenars alimentârs.
Une robarie e je sucedude ancje a Manzan. Di une abitazion a son sparîts bêçs e preziôs par un valôr complessîf di 5 mil euros.
Tancj colps ancje intal Friûl ocidentâl, cun diviersis abitazions svalisadis tra S. Vît dal Tiliment, Cjasarse e Vilediflum.
Atenzion massime de bande des Fuarcis dal ordin, che a àn inviât une serie di iniziativis par contrastâ propit il fenomen des robariis in cjase. (a.d.g.) – 27.11.2023
